Մանվել Գրիգորյանի՝ Մանվել անունով թոռը զորակոչվել է բանակ
Քաղաքական
Oրեր առաջ ԵԿՄ վարչության նախկին նախագահ, կալանքի տակ գտնվող գեներալ Մանվել Գրիգորյանի թոռը՝ 18–ամյա Մանվել Գրիգորյանը զորակոչվել է բանակ։ Վիճակահանության արդյունքում նա ծառայության է անցել Արցախում, գրում է NEWS.am-ը: Նշենք, որ Մանվել Գրիգորյանն իր անունով 2 թոռ ունի։
Բանակ զորակոչված Մանվել Գրիգորյանը՝ Էջմիածնի նախկին քաղաքապետ Կարեն Գրիգորյանի որդին է։
Հիշեցնենք, որ ներկայումս քրեական հետապնդում է իրականացվում Մանվել Գրիգորյանի և նրա ընտանիքի անդամների նկատմամբ։
Առանձնապես խոշոր չափերի յուրացումների և այլ դրվագներով հարուցված քրեական գործով Մանվել Գրիգորյանը գտնվում է կալանքի տակ և ներկայումս բուժում ստանում քաղաքացիական հիվանդանոցում։Նույն գործի շրջանակներում նրա կնոջ՝ Նազիկ Ամիրյանի նկատմամբ, որպես խափանման միջոց է ընտրված չհեռանալու մասին ստորագրությունը։ Մանվել Գրիգորյանի որդիներից Արմանը՝ ներկայումս հետախուզման մեջ է, իսկ Կարեն Գրիգորյանը, որպես մեղադրյալ է ներգրավված Էջմիածնի քաղաքապետարանում հայտնաբերված չարաշահումների գործով։
Այս գործով նրա նկատմամբ, որպես խափանման միջոց է ընտրված՝ չհեռանալու մասին ստորագրությունը։
Աղբյուրը` NEWS.am
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
