Yandex Taxi-ն պաշտոնապես բացեց վարորդների սպասարկման կենտրոնը (տեսանյութ)

Yandex taxi-ն Հայաստանում պաշտոնապես բացեց վարորդների սպասարկման կենտրոնը: Ընկերությունում համոզված են՝ հագեցած տեխնիկայով և լրացված աշխատակազմով նոր բացված վարորդների աջակցության կենտրոնը ավելի կջերմացնի վարորդների և ընկերության մենեջերների հարաբերությունները:

Ի դեպ, նորամուծությունները ընկերությունում շատ են. այսուհետև «Ստանդարտ» սակագնի փոխարեն Yandex.Taxi հավելվածում կգործեն «Կոմֆորտ» և «Կոմֆորտ+» սակագները։ «Կոմֆորտ» սակագինն ընտրելիս ձեզ կսպասարկեն միմիայն բարձր վարկանիշ ունեցող վարորդները (4.9 և ավելի բարձր միավորով)։

«Կոմֆորտ+» սակագնի դեպքում ձեր նշած հասցե կուղևորվեն 4.9-ից բարձր վարկանիշային միավոր ունեցող վարորդները՝ հատուկ ընտրված հարմարավետ մեքենաներով, որոնք բարձր դասի են, ընդարձակ, մշտապես կոկիկ ու հարմար՝ երթևեկելու համար։

Ընկերությունն այս շրջանում ակտիվորեն աշխատում է, որպեսզի նոր հնարավորություններ ավելացվեն հավելվածում: Օրինակ, ծրագիրը կարող է հուշել տեղափոխության ամենահարմար հնարավորությունները: Սա խոստանում է Yandex.Taxi-ի EMEA ու CIS երկրների ղեկավար Արամ Սարգսյանը, ով հետաքրքիր, նորարար ու ինքնատիպ ելույթով հանդես կգա WCIT համաժողովի Smart Cities հատվածի շրջանակներում։ 

Կազմակերպված միջոցառմանը ներկա էին բարձրաստիճան հյուրեր ինչպես Հայաստանից, այնպես էլ Ռուսաստանից: Ներկա էին նաև Հայաստանում Ռուսաստանի արտակարգ և լիազոր դեսպան Սերգեյ Կոպիրկինը և ՀՀ տարածքային կառավարման և ենթակառուցվածքների փոխնախարար Արմեն Սիմոնյանը:

Առավել մանրամասն՝ ռեպորտաժում