Փաշինյանը Հայաստանը ներքաշել է պատերազմական իրավիճակի մեջ․ Վիտալի Բալասանյան

Ադրբեջանին ձեռնտու է եղել, որ սահմանային լարվածությունը զրոյանա։ Այս մասին այսօր լրագրողների հետ հանդիպմանն ասաց Արցախի անվտանգության խորհրդի նախկին քարտուղար Վիտալի Բալասանյանը։

«Ոմանք խոսում են, որ Նիկոլ Փաշինյանի ժամանակ սահմանում լարվածությունը թուլացել է: Դա հայտնի վերելակային դիվանագիտությունն է։ Պետք է տեսնել ղարաբաղաադրբեջանական սահմագծում ինչպիսի ինժեներական աշխատանքներ է տարել Ադրբեջանը։

Կտեսնեք ու համոզված կլինեք, որ Նիկոլ Փաշինյանի թեժ գիծ կոչեցյալը հակահայ, վտանգավոր, մեր անվտանգությունը խաթարող պայմանավորվածություն է եղել», - ասաց Բալասանյանն ու հավելեց՝ Նիկոլ Փաշինյանը Հայաստանը ներքաշել է պատերազմական իրավիճակի մեջ։