Փլուզված տանը ծեր ամուսիններ են եղել. կենդանի են, թե ոչ՝ նախարարը չի կարող ասել

Արդեն տեղեկացրել էինք, որ այսօր Սյունիքի մարզի Կապան քաղաքում՝ Քաջարանի բազայի մոտակայքում, սողանքի հետևանքով տեղի է ունեցել երկհարկանի բնակելի շինության փլուզում. ներսում կան քաղաքացիներ:

Կառավարության նիստի ընթացքում ԱԻ նախարար Ֆելիքս Ցոլակյանը դեպքից մանրամասներ ներկայացրեց, մասնավորապես, որ հողի սողանք է եղել, որից փլուզվել է խրճիթի նմանվող տունը: Սողանքը տան վրա է եկել ու տունը ծածկել։

«Տանը երկու մարդ կա՝ ծեր ամուսիններ։ Կենդանի՞ են, թե՞ չէ, չեմ կարող ասել, տեղում պետք է պարզվի: Տրակտորով դեմը մաքրում են, որ հանկարծ նոր բան չգա, չնայած տակը ուրիշ շենքեր՝ տներ-բաներ չկան»,- ասաց Ֆելիքս Ցոլակյանը: