Մամեդյարովը «հիասթափված» է Մնացականյանի հետ հանդիպումից

Ադրբեջանի ԱԳ նախարար Էլմար Մամեդյարովը ռուսական «Իզվեստիա» թերթին տված հարցազրույցում ասել է, որ հիասթափված է ՀՀ ԱԳՆ ղեկավար Զոհրաբ Մնացականյանի հետ հանդիպման արդյունքներից:

«Վերջին անգամ հանդիպել ենք մեկ ամիս առաջ ԱՄՆ-ում: Ես արդեն ասել եմ, որ, ցավոք, խոսքը ոչ թե բանակցությունների, այլ հանդիպման մասին է: Թեև նման հանդիպում եղել է հայ կոլեգայի հետ Նյու Յորքում՝ Մինսկի խմբի մասնակցությամբ, և անկեղծ ասած՝ ես հիասթափված եմ»,- նշել է ադրբեջանցի նախարարը:

Մամեդյարովը հայտնում է, որ որոշ բանակցություններ տեղի էին ունեցել, սակայն ՄԽ համանախագահները ինչ-որ պահի ասացին, որ շփման գծում ռազմական գործողություններ են: Ըստ նրա՝ չնայած Արցախում վերջին տարիների լարվածությանը, այնուհանդերձ, բանակցությունները շարունակվում էին: