ՀՀ Գերագույն դատարանը թույլատրել է վերսկսել աշխատանքերը Ամուլսարի ոսկու հանքերում

ՀՀ Գերագույն դատարանը բավարարել է Բնապահպանության նախարարության հովանու տակ գտնվող բնապահպանական տեսչության դեմ Lydian Armenia ընկերության հայցը և թույլատրել է վերսկսել աշխատանքերը Ամուլսարի ոսկու հանքերում:

Ինչպես հայտնում է Lydian International կայքը, Բնապահպանության տեսչության նախկին տնօրեն Արթուր Գրիգորյանը ապօրինաբար կասեցրել էր հանքի գործունեությունը, և կասկածներ կային նրա գործողությունների անկողմնակալության հարցում:

Դատարանը հաստատել է, որ Գրիգորյանը նախքան տնօրենի պաշտոնը ստանձնելը ակտիվ մասնակցություն է ունեցել հանքի շահագործման դեմ տարվող գործում, որն էլ նրա օբյեկտիվության մեջ կասկածի տեղիք է տվել:

«Դատարանը վճռել է, որ Գրիգորյանը պետք է հրաժարվեր այդ հարցի դիտարկումից, և անվավեր ճանաչեց տեսչական մարմնի կայացրած որոշումը»,-նշվում է հաղորդագրության մեջ:

Ամուլսարի հանքավայրը, որը երկրորդն է Հայաստանում, պարունակում է 31 մլն տոննա պղինձ և 40 տոննա մաքուր ոսկի: Հանքի վարումը փոխանցվել է միջազգային Lydian International ընկերության հայկական մասնաճյուղին: Հանքի աշխատանքները ավելի քան կես տարի է, ինչ դադարեցվել էին Հայաստանի իշխանությունների նախաձեռնությամբ:

Բնապահպանների և որոշ քաղաքացիների կարծիքով հանքի գործունեությունը կործանարար կլինի Ջերմուկի առողջարանի համար՝ անդառնալի հետևանքներով բնապահպանական աղետի հանգեցնելով:

Ավելի շուտ ՀՀ վարչապետ Նիկոլ Փաշինյանը հայտնել էր, որ Ամուլսարի ոսկու հանքի շահագործումն արգելելու հիմքեր չկան: