Նոր Զելանդիայում զինվորներին կթույլատրվի դիմահարդարվել

Նոր Զելանդիայի պաշտպանության նախարարությունը փոփոխությունների է ենթարկել զինվորական կանոնադրությունը: Նոր կանոնադրությամբ ծառայության մեջ գտնվողները կարող են դիմահարդարվել և հետևել իրենց արտաքին տեսքին:

Նոր կանոններն ուժի մեջ կմտնեն նոյեմբերի 1-ից, հայտնում է Daily Mail-ը:

 

Այդ օրվանից ծառայողները կարող են դիմահարդարում կրել, հարդարել իրենց եղունգները թափանցիկ կամ բաց գույնի լաքով, ինչպես նաև արհեստական թարթիչներ կրել: Դրանից բացի, նրանց թույլատրվում է նաև օծանելիք օգտագործել: Այնուամենայնիվ, նախկինի պես արգելվում է փիրսինգ կրելն ու տարօրինակ սանրվածքներ ունենալը:

 

Նավատորմի ծովակալ Դեյվիդ Պրոկտրը նշել է, որ այդ կերպ ցանկանում են ցույց տալ տարբերությունը կանանց և տղամարդկանց անձնական հիգիենայի և արտաքին տեսքի միջև: