Ղազախստանի քաղաքացին վիճակախաղով 1 միլիոն դոլար է շահել և անհետ կորել

Ղազախստանի քաղաքացի Հուսեին Յերեմեշևը Dubai Duty Free վիճակախաղով հաղթել է 1 միլիոն դոլար: Այս մասին հայտնում է Gulf News-ը:

Նշվում է, որ վիճակախաղն անցկացվել է Դուբայում:

Ղազախստանցին տոմսը գնել է համացանցով, բայց մինչև հիմա կազմակերպիչներին չի հաջողվել գտնել նրան:

1 միլիոն է շահել նաև Հնդկաստանի բնակիչ  Կամալասանան Նադար Վասուն, ով արդեն 35 տարի ապրում է Արաբական էմիրություններում: Նա նշել է, որ պատրաստվում է շահումը կիսել ընկերոջ հետ, քանի որ նրանք 270 դոլար արժողությամբ տոմսը միասին են գնել: