Կինը թաքցված տեսախցիկով շրջել Է քաղաքում եւ նոր բան Է իմացել մարդկանց մասին (տեսանյութ)

 Նյու Յորքի բնակչուհի Ուիթնի Զելիգը զբոսնել Է քաղաքում՝ կրծքին թաքցված տեսախցիկով, եւ նկարել բոլոր նրանց, ովքեր սեւեռուն ուշադրություն են դարձրել իր վրա: Հոլովակը հասանելի Է YouTube-ում: Էքսպերիմենտի մասին գրել են ամերիկյան ԶԼՄ-ները, մասնավորապես, New York Post-ը:

29-ամյա Զելիգը սարքն ամրացրել Է դեկոլտեի գոտում: Տեսագրության մեջ նկատելի Է, որ Ուիթնիի կրծքին ուշադրություն են դարձրել ոչ միայն տղամարդիկ: Ուշադիր նայողների թվում եղել են ամուսնական զույգեր, տարեց կին, կոստյումներով անիմատորներ, գանձապահ եւ նույնիսկ՝ շուն: Դա զարմացրել Է նաեւ իրեն՝ հետազոտողին. նման ուշադրություն նա չԷր սպասում:

Տեսանյութում երեւում Է, թե ինչպես են արձագանքում նրա հայտնվելուն մետրոյում, սրճարանում եւ քաղաքի գլխավոր հրապարակում՝ Թայմս-սքվերում: Զելիգի խոսքով՝ հոլովակը հրապարակվել Է ոչ թե որպես մարդկանց ամաչեցնելու փորձ, այլ, որպեսզի կանայք հիշեն կանոնավոր կերպով կաթնագեղձի քաղցկեղի հետազոտություն անցնելու անհրաժեշտության մասին: Հոլովակում, որը նա նկարահանել Է եղբոր եւ ընկերոջ հետ, ասվում Է, որ «կանայք նաեւ չպետք Է մոռանան ուշադրություն դարձնել իրենց կրծքի վրա»: Daily Mirror բրիտանական թերթի հետ զրուցելիս Զելիգը պատմել Է, որ այն, թե որքան շատ հայացքներ են ուղղվել իր դեկոլտեին, նկատել Է միայն տեսախցիկի գրանցումները դիտելուց հետո:

«Եթե հոլովակի դիտումից հետո նույնիսկ մի կին ցանկանա ստուգել իրեն եւ մամոգրաֆիա անել, ես երջանիկ կլինեմ»,-հավելել Է նա: