Արցախի ԱԺ-ում կքննարկեն Հաշվեքննիչ պալատի անդամի թեկնածություն առաջարկելու հարցը

Արցախի Ազգային ժողովի ֆինանսաբյուջետային և տնտեսական կառավարման հարցերի մշտական հանձնաժողովի նախագահ Արամ Գրիգորյանը հոկտեմբերի 29-ին  հանդես է եկել հայտարարությամբ, որում մասնավորապես ասվում է.

«Համաձայն  «Ազգային ժողովի կանոնակարգ» Արցախի Հանրապետության օրենքի 128-րդ հոդվածի` ԱԺ ֆինանսաբյուջետային և տնտեսական կառավարման հարցերի մշտական հանձնաժողովը սույն թվականի նոյեմբերի 6-ին, ժամը 11.00-ին հրավիրում է նիստ՝ «Հաշվեքննիչ պալատի անդամի թեկնածության և Ազգային ժողովին այդ պաշտոնին թեկնածու առաջարկելու վերաբերյալ քննարկում» օրակարգային հարցով»:

Այս մասին հայտնեցին Արցախի Հանրապետության Ազգային ժողովի լրատվության և հանրության հետ կապերի բաժնից: