Հայկ Մարտիրոսյանն ընդունել է ՊԵԿ-ում աշխատանքի անցնելու առաջարկը
Հասարակություն
ՀՀ վարչապետ Նիկոլ Փաշինյանի հրահանգով աշխատանքից ազատված մաքսային ծառայության աշխատակից Հայկ Մարտիրոսյանը սիրով ընդունել է կրկին ՊԵԿ համակարգում աշխատելու առաջարկը:
Այս մասին ասաց ՊԵԿ տեղեկատվության և հասարակայնության հետ կապերի բաժնի պետ Լուսինե Մկրտչյանը:
«Հայկ Մարտիրոսյանը ուրախությամբ ընդունել է կրկին ՊԵԿ-ում աշխատելու առաջարկը և ասել է, որ սիրով կվերադառնա համակարգում աշխատելու: Նա աշխատելու է ներքին անվտանգության վարչությունում՝ որպես մաքսային տեսուչ, ինչպես նախկինում»:
Հոկտեմբերի 29-ին՝ ՊԵԿ նախագահ Դավիթ Անանյանի հետ հանդիպման ժամանակ ՀՀ վարչապետ Նիկոլ Փաշինյանը հրահանգել է մաքսային ծառայության նախկին աշխատակից Հայկ Մարտիրոսյանին կրկին ծառայության ընդունել համակարգում:
2019 թվականի ապրիլի 9-ին Երևանի ավտոմաքսատանը ունեցած այցելության ընթացքում Փաշինյանը հրահանգել էր աշխատանքից ազատել մաքսային մի ծառայող Հայկ Մարտիրոսյանին՝ Հայաստանի Հանրապետության պետական դրոշի նկատմամբ ոչ պատշաճ վերաբերմունք ցուցաբերելու պատճառով:
ՈՒՂԻՂ ԵԹԵՐ
Ամենադիտված 
Այսօր մեր ընտանիքին բաժին հասավ ամենածանր կորուստը
