Վայոց ձորում մարմնական վնասվածք ստացած սպայի գործում երկու հակասություն կա. ՔԿ պետ

Վայոց ձորում ծանր մարմնական վնասվածք ստացած ՀՀ ՊՆ զորամասի սպայի հետ կապված քրեական գործի շրջանակում հակասություն կա, որը կապված է Վայոց Ձորի նախկին մարզպետ Տրդատ Սարգսյանի` դեպքի վայրում գտնվելու կամ չգտնվելու հետ: Այս մասին հոկտեմբերի 30-ին ՀՀ Ազգային ժողովում լրագրողների հետ զրույցում ասաց Քննչական կոմիտեի ղեկավար Հայկ Գրիգորյանը:

«4 զինծառայող պնդում է, թե մարզպետն այնտեղ է եղել, և ունենք մարզպետի շենքի դիմաց տեղադրված տեսախցիկ, որի տեսաձայնագրության համաձայն` նա 22:30 մտնում է մուտք, և 00:30 նոր դուրս է գալիս շքամուտքից: Զինծառայողներն առերես պնդել են, որ մարզպետն այնտեղ է եղել: Մենք տեսաձայնագրառային փորձաքննություն նշանակել ենք, և դրա եզրակացության համաձայն` այն մոնտաժված չէ: Երկու հակասական իրադրություն ունենք, որը դեռ պետք է քննել»,- ասաց Գրիգորյանը:

Սեպտեմբերի 18- ին ժամը 00:20 ին, ՀՀ ոստիկանության Վայոց ձորի վարչությունում «Եղեգնաձոր բժշկական կենտրոն» ՓԲԸ-ից հաղորդումէ ստացվել այն մասին, որ անգիտակից վիճակում իրենց մոտ է տեղափոխվել Շիրակի մարզի բնակիչ, ՀՀ ՊՆ զորամասի սպա: 2019 թ. սեպտեմբերի 18-ին ՀՀ ՊՆ կենտրոնական կլինիկական հոսպիտալից գրություն է ստացվել այն մասին, որ նույն օրը՝ ժամը 06:40-ին իրենցմոտ է ընդունվել նշված սպան: Կատարվել է շտապ վիրահատություն, սպայի վիճակը գնահատվում է ծայրահեղ ծանր: ՀՀ քննչականկոմիտեի Վայոց ձորի մարզային քննչական վարչությունում կատարված անհրաժեշտ քննչական և դատավարական այլ գործողություններիարդյունքում պարզվել են ՀՀ ՊՆ զորամասի սպային ծանր մարմնական վնաս պատճառելու դեպքի հանգամանքները: Մեկ անձձերբակալվել է:

Սեպտեմբերի 24-ին Վայոց ձորի մարզպետ Տրդատ Սարգսյանը հայտնեց հրաժարական տալու մասին, այն բանից հետո, երբ խոսակցություններ տարածվեցին, որ նա միջադեպի ժամանակ եղել է դեպքի վայրում:

Հոկտեմբերի 3-ին ՀՀ ԶՈՒ ռազմաբժշկական վարչության պետ Սահակ Օհանյանը հայտնել էր, որ սպան բացել է աչքերը:

Հոկտեմբերի 8-ին ՀՀ ԶՈՒ ԳՇ պետ Արտակ Դավթյանը հայնեց, որ սպայի վիճակը գնահատվում է կայուն ծանր: