Վլադիմիր Սոլովյովը՝ Ներկայացուցիչների պալատի կողմից Հայոց ցեղասպանությունը ճանաչելու մասին

«Вести FM» ռադիոալիքի «Полный контакт с Владимиром Соловьевым» ծրագրի հերթական թեման եղել է ԱՄՆ Ներկայացուցիչների պալատի կողմից Հայոց ցեղասպանության ճանաչման բանաձևի ընդունումը:

Վլադիմիր Սոլովյովը ԱՄՆ Ներկայացուցիչների պալատի կողմից Հայոց ցեղասպանության ճանաչումը անվանել է կարևոր պատմական առաջընթաց, որը պետք չէ թերագնահատել:

Խոսելով Թուրքիայի արձագանքի մասին՝ Սոլովյովը նշել է, որ Թուրքիայի արտաքին քաղաքականության համար Հայոց ցեղասպանության ճանաչումն ամենազգայուն հարցն է:

Հաղորդավարը նշել է, որ Կոնգրեսի կողմից Եղեռնի ճանաչումը բազմաչարչար հայ ժողովրդի համար «մեծ տոն» է:

«Հայերը հետևողականորեն պաշտպանում են հիշողությունը և հարգանքը իրենց ու իրենց պատմության նկատմամբ: Թույլ չեն տալիս մոռանալ...»,- ասել է Սոլովյովը: