«Ֆորդ Մուսթանգը» եղել է առանց համարանիշի, վարորդը չի ենթարկվել հրահանգներին. ոստիկանության պարզաբանումը (տեսանյութ)

ՀՀ ոստիկանությունը պարզաբանում է տարածել առանց համարանիշի մեքենայի հետ կապված միջադեպի մասին:

«Պարզաբանենք, որ բերման ենթարկված անձինք առանց հաշվառման համարանիշերի «Ֆորդ Մուսթանգ» մակնիշի ավտոմեքենայի վարորդը և ուղևորն են։ Ոստիկանության ծառայողներն առանց համարանիշերի մեքենան նկատել են մայրաքաղաքի Վարդանանց-Ալավերդյան փողոցների խաչմերուկում։ Վարորդը չի ենթարկվել մեքենան կանգնեցնելու վերաբերյալ ոստիկանների պահանջներին։ Ոստիկանները հետապնդել են և Արամի փողոցում հիշյալ մեքենան հարկադրաբար կանգնեցրել։ Վարորդը և ուղևորը բերման են ենթարկվել ոստիկանություն, իսկ մեքենան տեղափոխվել է պահպանվող հատուկ տարածք։ Դեպքի վերաբերյալ նյութեր են նախապատրաստվում»,- տեղեկացնում են ոստիկանությունից: