Արարատի մարզում բեռնատար գնացքը հարվածել է կնոջ, ով տեղում մահացել է

Հոկտեմբերի 31-ին ժամը 18։30-ի սահմաններում ոստիկանության Մասիսի բաժին ահազանգ է ստացվել, որ Մասիս-Նորաբաց ավտոճանապարհի P կետի 2867 կմ-ին կնոջ դի կա և ըստ նախնական տեղեկությունների՝ նա ընկել է բեռնատար գնացքի տակ։

Ինչպես հայտնում է  Shamshyan.com-ը, դեպքի վայր են ժամանել ոստիկանության Արարատի մարզային վարչության և Մասիսի բաժնի օպերատիվ խմբերը, Քննչական կոմիտեի Արարատի մարզային քննչական վարչության քննիչները:

Ոստիկաններն ու քննիչները նշված հատվածում՝ գնացքի գծերից մոտ 1 մետր հեռավորության վրա, հայտնաբերել են ինքնությունը դեռևս չպարզված միջին տարիքի կնոջ դի։

Պարզվել է, որ բեռնատար գնացքի մեքենավարը եղել է Դ. Նաջարյանը, ով Մասիսի ոստիկանների ուղեկցությամբ հրավիրվել է ոստիկանության Մասիսի բաժին։

Փաստի առթիվ հարուցվել է քրեական գործ, ոստիկանությունն ու քննչական վարչությունը պարզում են մահացածի ինքնությունը։