Էրիկ Վարդանյանը որակազրկվել է 6 ամսով

Հայաստանի ֆուտբոլի ֆեդերացիայի կարգապահական կոմիտեն ազգային թիմի և «Փյունիկ»-ի ֆուտբոլիստ Էրիկ Վարդանյանին որակազրկեց 6 ամսով:

Այս մասին գրում է ՀՖՖ-ն: Կարգապահական կոմիտեն որոշում է ընդունել ֆուտբոլիստին որակազրկել մինչև 2020 թվականի ապրիլի 30-ը, «Փյունիկ» ֆուտբոլային ակումբին տուգանել 600 հազար դրամով:

Հայաստանի ֆուտբոլի առաջնության 12-րդ տուրում կայացած «Արարատ»-«Փյունիկ» խաղում Էրիկ Վարդանյանը մրցավարին ուսով հարվածելու համար կարմիր քարտ էր ստացել, որից հետո մարզադաշտը լքելիս միջնամատ էր ցույց տվել երկրպագուներին:

«Փյունիկ» ֆուտբոլային ակումբն իր ֆուտբոլիստի նման պահվածքի վերաբերյալ դեռևս ոչ մի պաշտոնական հայտարարություն չի արել: