Մոդելը կորցրել է տեսողությունը ակնագնդերը դաջելու պատճառով (լուսանկարներ)

Ավստրալիայի Նոր Հարավային Ուելս նահանգում բնակվող 24-ամյա Ամբեր Լյուկը 26 հազար դոլար է ծախսել իր մարմինը վերափոխելու համար: Մոդելը կիսել է իր լեզուն երկու մասի, մարմինը պատել մոտ 200 դաջվածքով և մեծ անցքեր արել ականջների վրա: Այս մասին հայտնում է Daily Mail-ը:

Ամբերը, ով իրեն անվանում է «Սպիտակ կապուտաչյա վիշապ», նաև փիրսինգներ ունի կրծքերի վրա: Նա մեծացրել է շուրթերն ու այտերը և սրածայր իմպլանտներ է տեղադրել ականջների մեջ: 

Ավստրալուհու խոսքով՝ աչքերը կապույտ ներկով դաջելը եղել է իր ամենառիսկային որոշումը: 40-րոպե տևած դաջման պրոցեսից հետո Ամբերը կուրացել է և նրա տեսողությունը վերադարձել է միայն 3 շաբաթ անց:

Այժմ Ամբերը, ով պատրաստվում է մինչև 2020 թվականն իր ամբողջ մարմինը պատել դաջվածքներով, նշել է, որ այլևս նման ռիսկային քայլերի չի դիմելու: