Օդաչուին ցմահ հեռացրել են աշխատանքից՝ օդաչուների խցիկում կատարվածի համար

Համացանցում տարածվել է մի լուսանկար, որում Գյուլինի համալսարանի ուսանողուհի Չեն Յույինը նստել է օդաչուի աթոռին, և նրա առջև դրված է թեյի սպասք։

Weibo-ում տեղադրված նկարը գրավել է ավիաընկերության ղեկավարության ուշադրությունը: Նրանք սարսափահար նշել են, որ լուսանկարն արվել է թռիչքի ժամանակ, և անձնակազմի հրամանատարը վտանգել է ուղևորների կյանքը, գրում է South China Morning Post-ը:

 Ընկերության ներկայացուցիչները  նշել են, որ աշխատակիցն անտեսել է անվտանգության հիմնական կանոնները և նրան ցմահ արգելվում է իրենց կազմակերպությունում աշխատել որպես օդաչու: Անձնակազմի մնացած անդամների աշխատանքը ևս դադարեցվել է մինչև նախաքննության ավարտը։