Ստեփանակերտը պատրաստ է ընդունել Մեհրիբան Ալիևային՝ որպես հյուրի կամ պատվիրակության ղեկավարի

Արցախը երբեք չի ունեցել որևէ բարդույթ որևէ ազգության հանդեպ։ Մենք չունենք ատելություն ադրբեջանական ժողովրդի հանդեպ, քանի որ մենք չենք պայքարում ադրբեջանցի ժողովրդի դեմ։ Այս մասին հայտարարել է Արցախի նախագահի աշխատակազմի ղեկավարի տեղակալ, գլխավոր տեղեկատվական վարչության պետ Դավիթ Բաբայանը՝ NEWS.am-ի խնդրանքով մեկնաբանելով Ղարաբաղում մուղամ լսելու Ադրբեջանի նախագահի տիկին Մեհրիբան Ալիևայի ցանկությունը և ՀՀ վարչապետի տիկին Աննա Հակոբյանի պատասխանը։

«Ընդհանրապես ես կարծում եմ, որ նորմալ չէ, երբ պայքարում են երեխաների, կանանց դեմ, սպանում են նրանց միայն ազգային, ռասայական, կրոնական հողի վրա։ Դա վայել չէ նորմալ մարդկանց։ Այդ պատճառով, եթե Մեհրիբան-խանումը, որպես հյուր կամ որպես Ադրբեջանի ներկայացուցիչ պաշտոնական այցով ժամանի մեր՝ Ադրբեջանի հարևան երկիր, մենք միշտ ուրախ կլինենք ցանկացած պետության ցանկացած ներկայացուցչի ցանկացած այցի և հյուրի համար։ Սակայն, կրկին, որպես հավասար գործընկեր կամ զբոսաշրջիկ, հյուր։ Եթե նա կուզենա գալ որպես հյուր կամ միմյանց երկրները փոխադարձ ճանաչելուց հետո որպես պատվիրակության ղեկավար, խնդրեմ»,- նշել է Դավիթ Բաբայանը։

Մանրամասները՝ սկզբնաղբյուր կայքում