Մաքսիմ Ժեստոկովը հեռացավ «Փյունիկ»-ից

28-ամյա պաշտպան Մաքսիմ Ժեստոկովը հեռացավ «Փյունիկից»: Ֆուտբոլիստի հետ պայմանագիրը խզվել է փոխադարձ համաձայնությամբ: Այս մասին հայտնում է հայկական ակումբի կայքը:

Մաքսիմ Ժեստոկովը «Փյունիկում» է 2018/19 մրցաշրջանից: «Փյունիկի» կազմում ռուս ֆուտբոլիստն անցկացրել է 53 խաղ դառնալով 6 գոլի և 2 գոլային փոխանցման հեղինակ:

«Փյունիկ» ՖԱ-ն շնորհակալություն է հայտնում Մաքսիմ Ժեստոկովին, ցուցաբերած բարձր պրոֆեսիոնալիզմի համար և մաղթում հաջողություն հետագա կարիերայում: