Իրանի նախագահը Սոլեյմանիի սպանության օրը «Միջազգային դիմադրության օր» է հայտարարել

Իրանի նախագահ Հասան Ռոհանին Բաղդադում ԱՄՆ ՌՕՈՒ-ի ավիահարվածի հետեւանքով գեներալ Ղասեմ Սոլեյմանիի սպանության օրը՝ հունվարի 3-ը, «Միջազգային դիմադրության օր» է հայտարարել, հայտնում է Mehr-ը։

Հիշեցնենք, որ հունվարի 3-ին Բաղդադի օդանավակայանից ոչ հեռու ԱՄՆ ՌՕՈՒ-ի ավիահարվածի հետեւանքով սպանվել էր լեգենդար իրանցի գեներալ Ղասեմ Սոլեյմանին։ Նախագահ Դոնալդ Թրամփը, որի հրամանով սպանվել էր գեներալը, հայտարարել էր, թե նա պատրաստում էր տարածաշրջանում ամերիկացիների սպանությունը, ընդհուպ դեսպանությունների պայթեցում։ Ի պատասխան՝ Թեհրանը հունվարի լույս 8-ի գիշերը հրթիռային հարված էր հասցրել Իրաքում երկու օբյեկտների, որոնք օգտագործվում են ամերիկացիների կողմից։