Չեմ հավատում, որ այս գործը կարող է մի օր մտնել դատարան․ «5-րդ» ալիքի սեփականատեր Արմեն Թավադյանի պաշտպան (տեսանյութ)
Տեսանյութեր«Մի քանի իմաստով կարող ենք քաղաքական կապ տեսնել Ռոբերտ Քորաչյանի գործի և իմ պաշտպանյալի գործի հետ կապված, նախևառաջ դա պարոն Թավադյանի գործունեությունն է մեդիա տիրույթում, այդ հեռուստաալիքը պարոն Թավադյանինն է, իսկ այն հանդես է գալիս կոշտ ընդդիմադիր դիրքերից, քննադատությունների զգալի մասն էլ վերաբերում է այսօրվա դատավարություններին, որոնք հասարակության մեջ ընկալվում են որպես քաղաքական, անձնական կամ օրենքի կոպիտ խախտումներով հետապնդում, և այս պարագայում, երբ ակնհայտ ոչ իրավաչափ քրեական գործով հարված է հասցվում կոնկրետ՝ այսպես ասած տհաճություն պատճառող հեռուստաալիքի սեփականատիրոջը, ապա այստեղ, այո, տեսնում ենք միտում»,-այս մասին այսօր հրավիրված մամուլի ասուլիսում հայտարարեց «5-րդ» ալիքի սեփականատեր Արմեն Թավադյանի պաշտպանը։
«Երկրորդ կապը, որ մի քիչ ավելի ուժեղ է Ռ․ Քոչարյանի գործի հետ, դա այն է, որ Արմեն Թավադյանը հանդիսանում է աջակիցը և նաև որոշակի իմաստով կազմակերպում է աջակիցների շարժումը։ Տեսնում ենք, որ խտրական կերպով թիրախավորվում են հենց Ռ․ Քորչարյանի աջակիցները»,-ասաց նա։
Լրագրողների այն հարցին, թե արդյոք հույս կա, որ Արմեն Թավադյանը իր դատին կսպասի արդեն ազատության մեջ, պաշտպանը նկատեց․
«Որպես իրավաբան ես չեմ հավատում, որ այդ գործը կարող է մի օր մտնել դատարան։ Որոշակի ինֆորմացիայի տիրապետում եմ, որը չեմ կարող այս պահին ասել՝ նախաքննության գաղտնիքի սահմանափակումներից ելնելով, չնայած, ցավոք, նոր ձևավորվող պրակտիկան կարող է վկայել, որ այո´, կարող է նույնիսկ այդպիսի գործը մտնել դատական քննության»,-ասաց պաշտպանն ու հույս հայտնեց, որ դեռևս շատ չեն այդ դատավորները, որոնք պատրաստ են այսքան կոպիտ խախտումներով անձի ազատությունը սահմանափակելու։
Մանրամասները՝ PARA TV-ի տեսանյութում։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
