Վերսկսվում է Թրամփին իմփիչմենթի ենթարկելու գործընթացը

ԱՄՆ-ի Սենատի անդամները հավանաբար հունվարի 21-ին կկարողանան սկսել լսումները երկրի նախագահ Դոնալդ Թրամփի պաշտոնազրկման հարցի շուրջ: Այդ մասի  հունվարի 14-ին հայտնել է Սենատի խոսնակ Միթչ Մակքոնելը: 

«Ներկայացուցիչների պալատը, հավանաբար, վերջապես չորեքշաբթի օրը մեզ կհանձնի պաշտոնազրկման գործը»,- հայտարարել է նա լրագրողներին: Մակքոնելի խոսքով՝ դա սենատորներին թույլ կտա սկսել ունկնդրումների նախապատրաստումը, ինչից հետո «հաջորդ երեքշաբթի օրը կարելի կլինի սկսել գործի քննությունը»: 
Ավելի վաղ հաղորդվել էր, որ հունվարի 15-ին Ներկայացուցիչների պալատում պլանավորում են քվեարկության դնել պաշտոնազրկման գործը Սենատին հանձնելու հարցը:
Սենատում մեծամասնությունը՝ 53 տեղ, այժմ պատկանում է Թրամփի կուսակցությանը՝ հանրապետականներին: Ուստի, ինչպես կարծում են դիտորդները, ամենայն հավանականությամբ, այդ փուլում իշխանությունից նախագահի հեռացման ընթացակարգը կարգելափակվի, հաղորդել է «Ինտերֆաքսը»:

Այս թեմայով «Վրացական երազանքը» կվերսկսի նախագահի դեմ իմփիչմենթի գործընթացը Իլոն Մասկը մասնակցել է Թրամփի քարոզարշավին (տեսանյութ) Դոնալդ Թրամփը հայտարարել է՝ Իսրայելի վրա Իրանի հարձակումը հնարավոր էր ամբողջությամբ կանխել Թրամփը հայտնել է՝ Իրանը փորձում է սպանել իրեն Թրամփը հայտնել է՝ Իրանը փորձում է սպանել իրեն