«Մեզ տանում են սպանդանոց, հատուկ, որ հարկ դնեն գյուղացու վրա» (տեսանյութ)

«Մեզ տանում են սպանդանոց, հատուկ, որ հարկ դնեն գյուղացու վրա։ Սպանդանոցի պատճառը դա է։ Էս ի՞նչ ա, մեր կյանքը կերան, կոմունիստների վախտ կոմունիստները կերան, որձ խոզը տանում էինք բոյնի, ասում էր հղի ա, հիմի էլ սրանց ձեռն ենք պլեն ընգե։ Մենք հո խուժա՞ն չենք այ մարդ, ի՞նչ եք ուզում մեզնից»,-այս մասին այսօր ասաց Կառավարության շենքի դիմաց բողոքի ցույց անող անասնապահներից մեկը։

Նշենք, որ ՀՀ տարբեր մարզերից հավաքված ցուցարար գյուղացիները կառավարությունից ժամանակ են պահանջում՝ սպանդանոցային պայմաններին անցնելու համար։

Նրանցից մեկը նշեց, որ Կալավան համայնքում ունի ցլիկներ, որոնց քաշը հասել է 350 կգ-ի, եթե ինչ-որ մեկը կարողանա բռնել կենդանուն և դնել ավտոմեքենայի մեջ ու հասցնել սպանդանոց, ուրեմն թող գան ու անեն։

«Մենք հասել ենք էն աստիճանի, որ գյուլել ենք, նոր ենք մորթել։ 35մլն-ի չափ ներդրում ենք արել, բանկի հետ գործ ենք անում, վաղը վարկ ունենք տալու, դրել են, ասում են վսյո, փակի, հաճելիա բոյնիներով, թող գան մեզ երաշխավորեն, ապահովագրեն մեզ, նենց չի, որ բոյնիից փախնում ենք է, բայց ժամանակ ա մեզի պետք, ոնց որ 1-ին դասարանի էրեխուն ասես գնա նստի միանգամից 10-րդ դասարան․ ըլնումա՞ տենց»։