Շրջակա միջավայրի նախարարությունում քննարկել են կլիմայի փոփոխության հետ կապված հարցեր

«ԵՄ-ն կլիմայի համար» ծրագրի համատեքստում շրջակա միջավայրի նախարարությունը կազմակերպել էր կլոր սեղան-քննարկում։ Ինչպես  հայտնեցին ՀՀ շրջակա միջավայրի նախարարության տեղեկատվության և հասարակայնության հետ կապերի վարչությունից, օրակարգում Ազգային մակարդակով սահմանված գործողությունների (ԱՄՍԳ) իրականացման ընթացքն էր:

Քննարկումը վարել է շրջակա միջավայրի նախարարի տեղակալ Իրինա Ղափլանյանը։ Կլոր սեղանին մասնակցել են ՀՀ տարածքային կառավարման եվ ենթակառուցվածքների նախարարի տեղակալ Հակոբ Վարդանյանը, Հայաստանում ՄԱԿ-ի զարգացման ծրագրի մշտական ներկայացուցիչ Միխաելա Ստոկոսկան, Ազգային մակարդակով սահմանված ներդրումներիգործընկերության օժանդակության գրասենյակի փոխտնօրեն Ռոմեո Բերտոլինին, շահագրգիռկառույցների, միջազգային այլ կազմակերպությունների ներկայացուցիչներ ու փորձագետներ։
Հանդիպման նպատակն էր ներկայացնել ԱՄՍԳ-ի թարմացման արդի գործընթացը, ռազմավարությունը և կառավարության հավակնությունները՝ Ազգային մակարդակովսահմանված ներդրումների լրամշակման մասով:

Մասնակիցներին ողջունել է շրջակա միջավայրի նախարարի տեղակալ Իրինա Ղափլանյանը։ Նախարարի տեղակալն անդրադարձել է Փարիզյան համաձայնագրի ներքո ստանձնած պարտավորություններին, մասնավորապես՝ կլիմայի մեղմմանն ու հարմարվողականությանն ուղղված ծրագրերին և միջոցառումներին, ինստիտուցիոնալ համակարգերին, ինչպես նաև ֆինանսավորման հետ կապված այլ խնդիրներին։ Իրինա Ղափլանյանն իր խոսքում նշել է նաև ԵՄ գործընկերների հետ իրականացվող համատեղ ծրագրերի կարևորությունը՝ ընդգծելով համագործակցության խորացման անհրաժեշտությունը։