Հիմի էս սրանք ինչի՞ են զարթնել, հերթական շոուն է. Վարդան Ղուկասյանը՝ իրեն հարցաքննության կանչելու մասին

ԱԺ ԲՀԿ խմբակցության պատգամավոր Վարդան Ղուկասյանը չի ընդունում իր առնչությունը Գյումրիում որոշ տարածքների եւ շինությունների ապօրինի օտարման հետ կապված: NEWS.am-ի հետ զրույցում պատգամավորը անդրադարձավ իրեն հարցաքննության կանչելուն:

«Ինչ-որ հիմա ասում են, դատարկություն է: Էդ 1600 անգամ ստուգվել է ու «Օազիս» սրճարանը մենք մեր քաղաքին ներդրում ենք արել,սարքել ենք: Ամբողջ թույլտվությունները կան, բոլոր կառույցներով անցած, վկայականը տված: Հիմի էս սրանք ինչի՞ են զարթնե, զարմանալի է, հերթական շոուն»,-ասաց նա:

Նա նշեց, որ «Թումո» կենտրոնի ստեղծման համար առաջինը ինքն է 30 հազար դոլար վճարել եւ զարմանում է, թե հիմա ինչ է պատահել:

«Պրոստը, մտածում եմ, թե ինչի՞ են սրանք էսքան չարացած: Հայաստանում հատուկ ինստիտուտ է աշխատում, որը աշխատում են այն մարդկանց վրա, որոնք խիղճ ունեն, հավատք ունեն եւ հայրենասեր են: Թշնամի են իրանք մեր պես տեսակին, էս 10 տարի հալածվում ենք, հլը սրանցից չպրծանք, իրանք թող մտածեն իրենց օֆշորների մասին»,-ասաց նա:

Նա նշեց, որ եթե օրենքը անպայման պահանջի ներկայանալ նախաքննական մարմին, ինքը կներկայանա, իսկ եթե չի պահանջում, չի ներկայանա:

Նա հավելեց, որ կադաստրի օրինական վկայական ունի, որ տարածքն իրեն է պատկանում, իսկ հարցին, թե քաղաքապետարանը որեւէ հայտարարություն տարածել է դրա հետ կապված, նա ասաց, որ քաղաքապետարանը արդեն 10 տարի գույքագրում է անում:

Մանրամասները՝ սկզբնաղբյուր կայքում