Վթարված «Գազել»-ի վարորդն առավոտյան չի անցել սթափության վիճակի զննություն
Հասարակություն
Երևանում 99 համարի երթուղին սպասարկող մարդատար «Գազել»-ի վարորդ, 59-ամյա Օնիկ Ադամյանը փետրվարի 5-ին չի ներկայացել երթակարգավարման կետ և չի անցել սթափության վիճակի զննություն: Այս մասին ասաց Երևանի քաղաքապետի մամուլի քարտուղար Հակոբ Կարապետյանը:
«Ընդհանրապես, որպես կանոն, յուրաքանչյուր առավոտ երթուղային տաքսու վարորդները ներկայանում են երթակարգավարման կետ, ստանում են ուղեգիր և անցնում սթափության վիճակի զննություն: Իսկ տվյալ վարորդի խախտումների հետևանքները պարզ կդառնան Ճանապարհային ոստիկանության կողմից քննությունից հետո»,- ասաց Կարապետյանը:
Երևանի Իսակով պողոտայում փետրվարի 5-ին ժամը 08:50-ի սահմաններում 99 համարի երթուղին սպասարկող մարդատար «Գազել»-ը բախվել է «Հոնդա»-ին, այնուհետև ծառին: «Գազել»-ի հինգ ուղևորի և վարորդին տեղափոխել են հիվանդանոց:
Ըստ մամուլում շրջանառվող տեղեկությունների` «Գազել»-ի վարորդը տեղում ենթարկվել է սթափության փորձաքննության և պարզվել է, որ նա ավտոմեքենան վարել է ոչ սթափ վիճակում:
ՈՒՂԻՂ ԵԹԵՐ
Ամենադիտված 
ՀՀ-ում ԱՄՆ դեսպանատնից լավ լուր․ նոր հնարավորություններ՝ հայ զինվորականների համար
