Մենք անընդհատ կասկածել ենք Վրաստանին, Վրաստանն էլ կասկածել է Հայաստանին ենթադրյալ դավադրությունների մեջ. վարչապետ

Այսօր՝ մարտի 3-ն, Վրաստանում տեղի հայ համայնքի հետ հատնդիպմանը ՀՀ վարչապետ Նիկոլ Փաշինյանը խոսեց նաև Հայաստանի և Վրաստանի հարաբերությունների մասին՝ պատասխանելով հարցին, թե երբ այդ հարաբերություններն ի վերջո կթևակոխեն նոր փուլ ու կդառնան ռազմավարական:

Փաշինյանը նշեց, որ իրական կայանքում ինչ-որ բանը նախ տեղի է ունենում մտքում. «Ռամզավարական հարաբերությունների կառուցումը մեկ օրում տեղի չի ունենա: Սակայն հիմա տեղի է ունենում ամենակարևոր բանը՝ մեր մտքում տեղի է ունենում մտավոր գործընթացը: Հիմա գոյություն ունեցող պայմաններում մեր հարաբերությունների ռազամվարական բնույթի մասին խոսելն իրականում այդքան էլ հեշտ բան չէ:

Հայաստանը ԵԱՏՄ անդամ է և պատրաստվում է շարունակել մնալ ԵԱՏՄ անդամ: Վրաստանն ունի ասոցացման համաձայնագիր ԵՄ-ի հետ: Վրաստանը ԵՄ-ի հետ ունի նաև ազատ առևտրի մասին համաձայնագիր: Վրաստանը պլանավորում է դառնալ ՆԱՏՕ-ի անդամ, Հայաստանը ՀԱՊԿ անդամ է և իր անվտանգությունն այդ համակարգում է տեսնում: Առաջին հայացքից կան որոշակի աշխարհքաղաքական բաժանարար գծեր»:

Փաշինյանի խոսքերով դեռ ՔՊ-ի նոր ստեղծման ժամանակ կետ է եղել Վրաստանի հետ հարաբերությունների մասին: Նշվել էմ, որ դրանք պետք է հնարավորինս դուրս լինեն աշխարհաքաղաքական ազդեցություններից. «Մեր հարաբերությունների համար նոր հարթություն պետք է ձևակերպենք: Մենք տարբեր հարթություններում առնչվում ենք, մասնակցում ենք պրոցեսների, որտեղ մեր ներկայությունը կարող է հակադիր տպավորություն թողնել: Պետք է մի նոր հարթություն ստեղծել, որտեղ մեր հարաբերությունները հնարավորինս պաշտպանված կլինեն արտաքին ազդեցությունից: Այդ պրոցեսը գնում է: Այդ կարգի պրոցեսները մեկ շաբաթ, մեկ տարի չեն տևում, սակայն այն արդեն սկսված է: Կան կոնկրետ փաստեր այդ մասին: Սա չի նշանակում, թե մոր բոլոր խնդիրները լուծված են: Մենք բազմաթիվ խնդիրներ ունենք, որոնք պետք է լուծվեն:

Մեր հարաբերություններում շատ խնդիրներ չեն լուծվել հենց համապատասխան կառուցողական ֆոնի բացակայության պատճառով: Եկեք ուղիղ ասենք, որ մենք անընդհատ կասկածել ենք Վրաստանին, Վրաստանն էլ կասկածել է Հայաստանին ինչ-որ ետին մտքերի, ենթադրյալ դավադրությունների մեջ…»: