Դատական համակարգի մաքրությունը մեզնից ավելի շատ երազում են հենց լավ դատավորները․ Տարոն Սիմոնյան
Տեսանյութեր
ՀՀ ազգային ժողովի «Լուսավոր Հայաստան» խմբակցության պատգամավորները «Հայաստանի Հանրապետության դատական օրենսգիրք» սահմանադրական օրենքում փոփոխություններ եւ լրացումներ կատարելու մասին օրենքի նախագծերի փաթեթի որոշ դրույթների հետ համաձայն են, սակայն կարծում են, որ այն անկախ դատական համակարգ ստեղծելու գործում առաջընթաց չի ապահովում: Պատգամավորները նման տեսակետ հայտնեցին ԱԺ-ում փաթեթի քննարկմանը:
Տարոն Սիմոնյանի կարծիքով՝ փաթեթը մասնագիտական տեսանկյունից բավականաչափ թերություններ ունի: Նա նկատեց՝ եթե նախկինում խոսվում էր դատական համակարգը կտրուկ արմատական փոփոխությունների միջոցով առողջացնելու մասին, դա նշանակում էր, որ պետք է համակարգն ամբողջությամբ զտվեր վատ դատավորներից: «Եվ իրավաբաններից շատերը գիտեն, թե այդ վատ դատավորները որոնք են: Եվ եթե կարողանայինք վեթթինգի, անցումային արդարադատության և տարբեր գործիքներով նրանց զտել, հետագայում մեր իրավական քաղաքականության հաջորդ քայլը պետք է լիներ անկախ դատավորի ինստիտուտի ստեղծումը, որի միջոցով կկարողանայինք խնդիրը լուծել: Դատական համակարգի մաքրությունը մեզնից ավելի շատ երազում են հենց լավ դատավորները իրենք. նրանք չեն կարողանում աշխատել անկարգապահ, օրենք խախտող դատավորների կողքին: Նրանք առաջինն էին ուզում, որ զտման գործընթացը որքան հնարավոր է շուտ տեղի ունենար, սակայն կորցրել ենք այդ հնարավորությունը, անցել է 2 տարի, և հիմա արմատական փոփոխություններ բերելը միգուցե ժամանակավրեպ լինի: Դուք ընտրել եք այն տարբերակը, որի շրջանակում դատավորներն ըստ էության ավելի շատ կախվածություն պետք է ունենան այս կարգավորումներից»,-ասաց Սիմոնյանը:
ՈՒՂԻՂ ԵԹԵՐ
Ամենադիտված 
Լքված նորածնի ծնողները հայտնաբերվե՞լ են․ ինչ է հայտնում ՔԿ-ն
