Մեր բեռնատար ավտոմեքենաները հատեցի՞ն հայ-վրացական սահմանը․ Փաշինյանը՝ Խաչատրյանին (տեսանյութ)

Հայ-վրացական սահմանի մոտ կուտակված բեռնատար ավտոմեքենաները մարտի 5-ին՝ մինչև օրվա ավարտը, կհատեն սահմանը: Այդ մասին կառավարության նիստում ի պատասխան վարչապետ Նիկոլ Փաշինյանի հարցին՝ ասաց Էկոնոմիկայի նախաար Տիգրան Խաչատրյանը:

Նախարարի խոսքով՝ վրացական կողմն աշխատանք է տանում. մինչև օրվա ավարտը մեքենաների անցումն ապահովված կլինի: Կուտակված ավտոմեքենաների քանակն այնքան չէ, որքան նշվում է. գործարարները նշում են մոտ 60 մեքենա։ «Մոտավոր 20-30 մեքենա է, որոնք օրվա ընթացքում զննում կանցնեն ու կհասնեն դեպի Լարս», - ասաց Տիգրան Խաչատրյանը։

Իրանական ծագման մթերք տեղափոխող մի քանի հայկական բեռնատարներ վերջին օրերին չեն կարողանում հատել հայ-վրացական սահմանը, քանի որ վրացական կողմը ժամանակավորապես արգելել է իրանական ծագման մթերքի ներմուծումը՝ պայմանավորված Իրանում կորոնավիրուսի տարածմամբ։ Հայկական որոշ կազմակերպություններ և անհատներ պարբերաբար իրանական մթերք, հիմնականում՝  միրգ ու բանջարեղեն են արտահանում Ռուսաստան՝ Հայաստանը և Վրաստանը օգտագործելով որպես տարանցիկ երկիր։ Այսինքն՝ ապրանքն Իրանից ներկրում են Հայաստան, այստեղ դրանք տեղափոխում հայկական բեռնատարների մեջ և Վրաստանով արտահանում են Ռուսաստան։ Վրաստանը փետրվարի 28-ից, սակայն, ժամանակավորապես արգելել էր իրանական և իտալական մթերքի ներմուծումը։ Հայ գործարարները փաստի առաջ են կանգնել։ Ապրանքն Իրանից ներկրել են Հայաստան, տեղափոխել իրենց պատկանող կամ վարձակալած բեռնատարների մեջ, սակայն չեն կարողանում հատել Վրաստանի սահմանը՝ արգելքի պատճառով։ 

Ավելի վաղ ՀՀ էկոնոմիկայի նախարարությունը հայտնել էր, որ Վրաստանի կառավարության մարտի 2-ի որոշմամբ փոփոխություններ են կատարվել Վրաստանում նոր կորոնավիրուսի հնարավոր տարածումը կանխելու և կորոնավիրուսային նոր դեպքերին արագ արձագանքելու գործողությունների ծրագրերում: Փոփոխությունները ներառում են նաև կորոնավիրուսի վարակվածության բարձր ռիսկայնություն ունեցող երկրներից Վրաստանի տարածքով սահմանային մի անցակետից մինչև մեկ այլ սահմանային անցակետ տարանցիկ անցնող բեռնատար փոխադրամիջոցների ուղեկցում՝ ուղեկցողի առկայություն (իրենց անձնակազմի հետմիասին)։
Առողջապահության համաշխարհային կազմակերպության կողմից որպես ռիսկային գոտիճանաչված տարածքներում գտնված տրանսպորտային միջոցների վարորդները փոխարինվումեն այլ ֆիզիկական անձով, ով չի պատկանում ռիսկային խմբին։
Մաքսային ծառայության լիազորված աշխատակցի հսկողության ներքո իրականացվում էտրանսպորտային միջոցի ամբողջական ախտահանում, իսկ բեռնատար փոխադրամիջոցիվարորդը (օտարերկրյա քաղաքացին), ով վարել է մեքենան սահմանը հատելիս, հետ էուղարկվում կամ կլինիկական վիճակով պայմանավորված ենթարկվում է կարանտինի/ տեղափոխվում է բժշկական հաստատություն։
Այժմ համապատասխան աշխատանքներ են իրականացվում տեխնիկական լուծումներիուղղությամբ՝ վերոնշյալ որոշման իրականացումն ապահովելու նպատակով։