Իրենց տարիքի չափ ստաժ ունեմ. Ռուբիկ Ստեփանյանը՝ Գևորգ Պապոյանի մեղադրանքների մասին

Իմ կենսագրությունը նախորդ իշխանություններից չէ սկսում, սկսվում է 1979 թվականից։
Այս մասին այսօր, լրագրողների հետ զրույցում ասաց ԼՀԿ-ական պատգամավոր Ռուբիկ Ստեփանյանը՝ անդրադառնալով «Իմ քայլը» խմբակցության պատգամավոր Գևորգ Պապոյանի այն խոսքերին, որ ԼՀԿ-ականներից շատերը նախկին իշխանության ժամանակ բարձր պաշտոններ են զբաղեցրել, հայտնում է armdaily.am-ը:

«Ես աշխատել եմ, հետո իրենք եկել են, ես էլի շարունակել եմ ծառայել Հայաստանի Հանրապետությանը մինչև 2008 թվականին, երբ կարծիք հայտնելու համար ինձ հեռացրել են աշխատանքից, հետապնդել են ընտանիքիս, բարեկամներիս։ Ես անցել եմ ճանապարհ, անցել եմ պատերազմ։ Հայաստանի Հանրապետության հրապարակից մինչև Շահումյան՝ Ղարաբաղ, ոտքով եմ գնացել։ Մասնակցել եմ պատրեազմին, կռվել եմ մինչև վերջ։ Դրանից հետո ով է եղել նախագահ, վարչապետ, ինչ կարևոր է։ Որ ինչ-որ բաներ են խոսում, թող իրենց անցյալը հիշեն, ես իրենց տարիքի չափ ստաժ ունեմ»,-ասաց պատգամավորը։