Իրանի արտակարգ պատահարների կազմակերպության ղեկավարի մոտ կորոնավիրուս է հայտնաբերվել
Իրան
Իրանի արտակարգ պատահարների կազմակերպության ղեկավար Իսմայիլ Նաջարի մոտ կորոնավիրուսի առկայության թեստը դրական արդյունք է տվել: Այդ մասին հայտնել է կազմակերպության պաշտոնական ներկայացուցիչ Ալի Բահթիյարին:
«Նաջարն անցած շաբաթ բժշկական կենտրոններից մեկին է դիմել գրիպ հիշեցնող ախտանշաններով: Մի քանի անալիզների հանձնումից հետո պարզվել է, որ նրա հիվանդությունը պայմանավորված է կորոնավիրուսով»,-Բահթիյարի խոսքը մեջբերել է ISNA գործակալությունը:
Նա հավելել է, որ «այդ կապակցությամբ Նաջարը հոսպիտալացվել էր, սակայն այսօր ինքնազգացողության լավացումից հետո պարզ է դարձել, որ նրա կյանքին վտանգ չի սպառնում»: «Բժիշկների հանձնարարականներին համապատասխան, նա դուրս է գրվել հիվանդանոցից եւ պետք է մի քանի օր անցկացնի տնային կարանտինում»,-նշել է կազմակերպության ներկայացուցիչը:
Պաշտոնական տվյալների համաձայն, ներկայում Իրանում կորոնավիրուսով վարակված է 6566 մարդ, գրանցվել է մահվան առնվազն 194 դեպք, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
