Air Cairo-ն միչև ապրիլի 19-ը դադարեցնում է չվերթները Երևանից Շարմ Էլ Շեյխ և հակառակ ուղղությամբ

Air Cairo ավիաընկերությունը դադարեցնում է իր կանոնավոր չվերթները Երևանից Շարմ Էլ Շեյխ և հակառակ ուղղությամբ միչև ապրիլի 19-ը։ Այս մասին տեղեկացրին Air Cairo ավիաընկերությունից։

«Խնդրում ենք ընդունել ի գիտություն առ այն, որ COVID19 վիրուսի կանխարգելման նկատառումներից և ՀՀ-ում հայտարարված արտակարգ իրավիճակից ելնելով՝ Air Cairo ավիաընկերությունն ստիպված է դադարեցնել իր կանոնավոր չվերթները Երևանից դեպի Շարմ Էլ Շեյխ և հակառակ ուղղությամբ միչև ս․թ․ ապրիլի 19-ը։ Հաշվի առնելով Եգիպտոսի Կառավարության որոշումը օդային տարածքը մարտի 19-ից 31-ը ընկած ժամանակահատվածում փակելու մասին, ՀՀ-ում ավիաընկերության պաշտոնական ներկայացուցիչ ԱՆՌԻՎԱ-ՏՈՒՐ տուրօպերատորը և Air Cairo  ավիաընկերությունը որոշում են կայացրել հավելյալ թռիչքով 19․03․20-ին դեպի ՀՀ տեղափոխել Air Cairo ավիաընկերությամբ մեկնած ուղևորներին։ Նշենք՝ ս․թ․ մարտի 22-ից ապրիլի 19-ը ընկած ժամանակահատվածում, ըստ նախատեսված չվացուցակի, թռիչքների հետաձգման համար ավիաընկերությունը բոլոր տուրիստական կազմակերպություններին և ուղևորներին ընձեռել է «բաց ամսաթվով» նոր ամրագրումներ կատարելու հնարավորություն /ս․թ․ դեկտեմբերի 20-ը ներառյալ/ ավիաընկերությանը փաստացի վճարված գումարի սահմաններում»,- նշված է հաղորդագրության մեջ։