Ալավերդցի Վահագնը 15 մլն դրամ գրավի դիմաց ազատվել է կալանքից. ArmDaily.am

Իրավունք 1 Ապրիլ, 2020 20:16

ArmDaily.am-ի տեղեկություններով՝ Վահագն Աբգարյանը՝ Ալավերդցի Վահագը, ազատվել է կալանքից: Լոռու ընդհանուր իրավասության դատարանը նրա նկատմամբ կիրառվել է 15.000.000 դրամ գրավ։

Հիշեցնենք, որ Աբգարյանը 2020 թվականի փետրվարի 25-ին գլխի ձախակողմյան հատվածում վնասվածքով, աջ բազկի շրջանում ցավերով, գլխապտույտով, գլխացավեր և սրտխառնոց գանգատներով տեղափոխվել է քաղաքացիական բժշկական հաստատություն։ Հայտնաբերված վնասվածքների կապակցությամբ Աբգարյանը հայտնել էր, թե դրանք առաջացել են փետրվարի լույս 25-ի գիշերը իր խցի սանհանգույցից դուրս գալու ընթացքում անզգուշությամբ սայթաքելու և վայր ընկնելու հետևանքով: Հետագայում սակայն պարզվել էր, որ Աբգարյանը մարմնական վնասվածքներն իրականում ստացել է մեկ այլ խցում քրեական աստիճանակարգության մեջ դարձյալ որոշակի դիրք զբաղեցնող ուրիշ դատապարտյալների կողմից ծեծի ենթարկվելու հետևանքով: Ընդ որում, հիշյալ ծեծն ուղղորդված և կազմակերպված է եղել արտերկրում բնակվող քրեական աստիճանակարգության բարձրագույն կարգավիճակ ունեցող, ազգությամբ հայ անձանցից մեկի կողմից։ Վահագն Աբգարյանը մեղադրվում է ապօրինի կերպով ձեռք է ռազմամթերք հանդիսացող փամփուշտներ, ակոսափող հրազեն հանդիսացող 2 ատրճանակներ ձեռք բերելու մեր, որոնցից մեկն ապօրինի պահելու նպատակով տվել է Արթուր Մնացականյանին, իսկ մյուսը փամփուշտների հետ տվել է Վլադիմիր Դավթյանին, բացի այդ կազմակերպել է Կամո Փիրուզյանի սպանությունը, Թաթուլ Շուշանյանին տվել է առանձնապես խոշոր չափերով, իսկ Արտակ Հովհաննիսյանին՝ խոշոր չափերով կաշառք։