Ազատ է արձակվել ինքնապաշտպանվելու հետևանքով՝ ադրբեջանցու սպանելու մեջ մեղադրվող Միսակ Լազարյանը

Երեկ երեկոյան «Արմավիր» ՔԿՀ-ից ազատ է արձակվել 9 տարի ՌԴ իրավապահների կողմից հետախուզվող, ադրբեջանցու սպանության մեջ մեղադրվող Միսակ Լազարյանը։ Այս մասին ԼՈՒՐԵՐ.com-ի հետ զրույցում ասաց Քրեակատարողական վարչության հանրային կապերի բաժնի պետ Նոնա Նավիկյանը՝ նշելով, որ խափանման միջոց կալանավորումը փոխվել է: Հիշեցնենք՝ Լազարյանը մեղադրվում է դեռևս 2011 թ. դեկտեմբերին ՌԴ Ռայչիխինսկ քաղաքի՝ ծնունդով Ջավախքի Բավրա գյուղից հայ ընտանիքին պատկանող ռեստորաններից մեկում գրանցված միջադեպի ժամանակ ինքնապաշտպանվելու հետևանքով ադրբեջանցու սպանելու մեջ: Բանն այն է, որ ռեստորան են մտել ադրբեջանցիներ և  բախում հրահրել։ Ադրբեջանցիներից մեկն ասել էր, որ իր եղբայրներից մեկը մահացել է Արցախի կռիվներում, ինքն էլ մասնակից է պատերազմին եւ, «հայերն ովքե՞ր են, որ գան ու լավ զգան այստեղ» ասելով, շարունակել ազգային հողի վրա իր բարձրագոչ ելույթները։ Դրանց ի պատասխան՝ հայերից մեկն ասել է, որ իրենք էլ հարազատներ ունեն կորցրած եւ ռուսական հողի վրա չարժե շահարկել դա։ Արդյունքում՝ հայերին հաջողվում է ռեստորանից դուրս հանել իրենց սանձարձակ պահող ադրբեջանցիներին, խլել զենքը և սպանել ադրբեջանցուն: Դեպքից հետո երկու հայ երիտասարդները փախչել են, որոնցից մեկը՝ Միսակ Լազարյանը, 2012 թվականից գտնվում է Հայաստանում, իսկ մյուսի գտնվելու վայրը ցօրս հայտնի չէ։