Միջադեպից հետո Հայկ Ստեփանյանին երկրորդ անգամ են ծեծել. նոր մանրամասներ

Ինձ ծեծելու ժամանակ սեռական բնույթի հայհոյանքներ էին հնչում ոչ միայն իմ հասցեին, այլ նաև վարչապես Նիկոլ Փաշինյանի: Եթե սա անձնական կամ կենցաղային վեճ էր, վարչապետին հայհոյելու միտքը որն էր:  Ես համոզված եմ, որ այս միջադեպը  միտումնավոր է եղել: Այս մասին ԼՈՒՐԵՐ.com-ի հետ զրույցում ասաց «Հեղափոխության պահապաններ» խմբի անդամ Հայկ Ստեփանյանը՝ անդրադառնալով օրեր առաջ իր մասնակցությամբ տեղի ունեցած միջադեպին: 

Երևան - Աշտարակ ճանապարհին 2 անձ միտումնավոր փորձել են վթարային իրավիճակ ստեղծել, ճանապարհի անթույլատրելի հատվածով շրջանցել են մեր մեքենան, որի ղեկին եղել եմ ես և մեքենան քշել են դեպի մեր կողմ: Ինչից հետո մեքենան փախցրել եմ, որի պատճառով որդիս գլուխը խփել է մեքենայի դռանը: Կանգնելուց հետո այդ մեքենայից երկու հոգի են իջել, որոնցից մեկը եղել է ֆիզիկապես լավ պատրաստված: Իմ հարցին, թե ինչու են իրենց այդպես պահում, նրանցից մեկը ագրեսիվ պատասխաններ է տվել: 60 անց հայրս փորձել է հանգստացնել նրանց, ինչին ի պատասխան՝ բռունցքով հարվածել են հորս աչքին: Սկսվել է հրմշտոց: Անցնող մեքենաներից բազմաթիվ քաղաքացիներ են մոտեցել մեզ, հավանաբար այդ մարդկանց ներկայությունն են նկատի ունեցել, երբ ասել են, թե մենք տասնյակներով ենք եղել: Ինձ զարմացրել է այն հանգամանքը, որ այդ պահին, չգիտեմ թե որտեղից, իրենց ընկերներից մեկը, ով  ճանաչում է նաև ինձ, մոտեցել և վերցրել է իմ հեռախոսահամարը: Ինձ համար անհասկանալի է, թե նա որտեղից է հայտնվել այնտեղ: Սրանից ես եզրակացնում եմ, որ այս ամեն ինչը նախապես պլանավորված է եղել:

Միջադեպից հետո Գոռը (խմբ. Հայկ Ստեփանյանին ծեծած երիտասարդներից մեկն է) զանգահարել է ինձ, որպեսզի հանդիպենք և հարթենք միջադեպը: Միայնակ գնացել եմ իր ասած վայրը, մեքենայից իջնելուց հետո մի քանի տասնյակ մարդ  մահակներով և երկաթյա ձողերով հարձակվել է ինձ վրա և ծեծել: Մի կերպ մազապուրծ եմ եղել և դիմել ոստիկանություն: 

 Հայկ Ստեփանյանը հերքեց տարածված այն լուրերը, թե մեքենայում իրենց հետ իշխանական պատգամավոր է եղել, կամ միջնորդել են ինձ համար: «Ես չեմ հասկանում՝ ինչի մասին է խոսքը, մեքենայում եղել եմ ես, անչափահաս երեխաներս հղի քույրս, հայրս, իսկ երկրորդ մեքենայում եղել է ընկերս:

Չգիտեմ՝ որտեղից են այդ տեղեկությունները, դեպքից հետո եկել եմ ոստիկանական բաժանմունք, ապա ինձ շտապօգնության մեքենայով տարել են հիվանդանոց»: