Տուգանքից եկած գումարը պետք է ուղղել բժիշկներին՝ որպես հավելավճար. Արամ Սարգսյան
Բլոգոսֆերա
«Հանրապետություն» կուսակցության նախագահ Արամ Սարգսյանը ֆեյսբուքյան էջում գրառում է արել՝ առաջարկելով դիմակ չդնելու համար քաղաքացիներից տուգանքի շրջանակում գանձվող գումարները փոխանցել բժիշկներին որպես հավելավճար:
Կրե՞լ դիմակ, թե՞՝ ոչ։
Դիմակն ամբողջությամբ չի պաշտպանում, բայց 30 % նվազեցնում է վարակվելու հավանականությունը։ Պետությունը օրենք է ընդունել պարտադիր դիմակ կրելու մասին և ճիշտ է արել, որովհետև խնդիրը վերաբերում է մարդկային կյանքերին։
Կան մարդիկ, որոնք հասկանում և ենթարկվում են դիմակ կրելու պետական պարտադրանքին՝ փորձելով հնարավորինս անվտանգ պահել իրենց և շրջապատող անձանց առողջությունը։ Կա մարդկային մի տեսակ էլ, որ կասկածում և հակադրվում է ցանկացած որոշման, առավել ևս որ դա իր կողմից չսիրված իշխանությունը կամ անհատն է առաջարկում, և ցուցադրական կամ կեղծ պատրվակներով ու բացատրություններով դիմակ չի կրում՝ վտանգելով իր և իր շրջապատի անձանց առողջությունը։
Հիմա պետությունը ո՞ւմ պետք է պաշտպանի՝ օրինապաշտի՞ն, թե՞ անօրենին, և եթե գտնում եք, որ օրինապաշտին, ապա ինչպե՞ս...
Այլ տարբերակ դիմակ կրելու մասով աշխարհում չի կիրառվել, իսկ տուգանքից եկած գումարը, իմ կարծիքով, ամբողջությամբ պետք է ուղղել բժիշկներին՝ որպես հավելավճար, քանի որ նրանք են կրում օրենքը չհարգող մարդկանց անպատասխանատու պահվածքի ամբողջ ծանրությունը։
Կրե՛ք դիմակ և առո՛ղջ եղեք...»,-գրել է Արամ Սարգսյանը և հավելել #Կրիր_Դիմակ և
#Փրկիր_Կյանքեր հեշթեգները:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
