Իրանը հայտարարել է, որ ղարաբաղյան հակամարտության գոտուց նոր հարվածներ չի հանդուրժի
Իրան
Իրանի իշխանությունները չեն հանդուրժի Լեռնային Ղարաբաղի հակամարտության կողմերի կողմից իրենց տարածքի վրա պարբերաբար կրկնվող հարվածները: Այդ մասին հինգշաբթի օրը հայտարարել է Իսլամական Հանրապետության արտաքին գործերի նախարարության պաշտոնական ներկայացուցիչ Սայիդ Խատիբզադեն:
«Նման հարձակումները կրկնելու դեպքում Իրանը անտարբեր չի մնա», - նրա խոսքը մեջբերում է ԱԳՆ մամուլի ծառայությունը: Դիվանագետը հավելել է, որ «սահմանային շրջաններում բնակվող Իրանի քաղաքացիների անվտանգության ապահովումը երկրի զինված ուժերի համար առաջնահերթ խնդիր է»:
Հինգշաբթի օրը ավելի վաղ IRIB-ն հաղորդել էր, որ Լեռնային Ղարաբաղի շուրջ հակամարտության գոտուց արձակված ութ հրթիռ է պայթել Իրանում, որի հետևանքով մի քանի տուն է վնասվել, մեկ մարդ վիրավորվել է: Ընդհանուր առմամբ, ըստ IRIB-ի, հակամարտության սրման ընթացքում Իրանի տարածք է ընկել շուրջ 50 հրթիռ և արկ:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
