Իսրայելը թույլ չի տա Իրանին միջուկային զենք ստեղծել․ Նեթանյահու

Իսրայելի վարչապետ Բենյամին Նեթանյահուն ասել է, որ ուրանի հարստացման մակարդակը բարձրացնելու Իրանի որոշումը ցույց է տալիս, որ նա մտադիր է շարունակել զարգացնել իր ռազմական միջուկային ծրագիրը, և խոստացել է, որ հրեական պետությունը թույլ չի տա Իրանին միջուկային զենք ստեղծել: Ավելի վաղ Իրանի կառավարության խոսնակ Ալի Ռաբին ասել էր, որ Իրանը ուրանի հարստացման գործընթաց է սկսել Ֆորդոուի միջուկային կայանում: «Իրանի որոշումը` շարունակելու խախտել իր պարտավորությունները, հարստացման մակարդակը բարձրացնել և զարգացնել ուրանի ստորգետնյա հարստացման համար արդյունաբերական կարողությունները, չի կարող բացատրվել այլ բանով, քան ռազմական միջուկային ծրագիր մշակելու մտադրության հետագա իրականացումով: Իսրայելը թույլ չի տա Իրանին միջուկային զենք արտադրել», - գրել է Նեթանյահուն Թվիթերի իր պաշտոնական էջում: 
Բանաձեւը պատրաստվում էր երկար ժամանակ, բայց նոյեմբերի վերջին բարձրաստիճան միջուկային ֆիզիկոս Մոհսեն Ֆահրիզադեի սպանության ֆոնին խորհրդարանն այն ընդունեց արագացված ռեժիմով:
Իրանի նախագահ Հասան Ռոհանին, ով ի սկզբանե դեմ էր օրենքին, նախապես հայտարարել էր, որ Թեհրանը, փաստորեն, մեկ տարի առաջ, երբ կրճատեց իր միջուկային պարտավորությունները, հրաժարվեց ուրանի հարստացման և ցենտրիֆուգների վերաբերյալ միջուկային գործարքի դրույթներից՝ այն կետերից, որոնք խորհրդարանականները պնդում են ընդունված օրենքում: