Թրամփը Միացյալ Նահանգներին փորձանքի մեջ է գցել. Ռոհանի

ԱՄՆ նախագահ Դոնալդ Թրամփը իր նախագահության տարիներին իր երկիրը փորձանքի մեջ է գցել, ասել է Իրանի նախագահ Հասան Ռոհանին՝ մեկնաբանելով Վաշինգտոնում տեղի ունեցող իրադարձությունները:

«Այն, ինչ մենք նկատեցինք Միացյալ Նահանգներում, ցույց տվեց, թե որքան փխրուն է արևմտյան ժողովրդավարությունը, դրա հիմքը թույլ է: Մի պոպուլիստ եկավ իշխանության, և այս չորս տարիների ընթացքում նա իր երկիրը ընկղմեց փորձանքի մեջ՝ վնասելով իր երկրի հեղինակությունը, դժվարացնելով աշխարհում Միացյալ Նահանգների գործերը ամեն ինչով», - ասել է Ռոհանին իրանական հեռուստատեսության եթերում։ «Երբ անառողջ մարդը իշխանություն է ստանում, նա մեծ խնդիրներ է ստեղծում ինչպես իր երկրի, այնպես էլ ամբողջ աշխարհի համար», - հավելել է Իրանի նախագահը:
Ռոհանին ակնկալում է, որ այս օրինակը դաս կլինի ինչպես այլ երկրների, այնպես էլ ապագա ամերիկյան ղեկավարների համար: «Հուսով ենք, որ ամբողջ աշխարհում և Միացյալ Նահանգներում այլևս այնպիսի աղետալի երևույթ չի լինի, ինչպիսին է անգրագետ մարդկանց կողմից երկրի կառավարումը», - ասել է Ռոհանին։