Երևանում «Nissan Tiida»-ն բախվել է մայթի եզրաքարերին և կողաշրջվել

Այսօր՝ օգոստոսի 30-ին, խոշոր ավտովթար  է տեղի ունեցել Երևանում:

Ինչպես հայտնում է SHAMSHYAN.com-ը, ժամը 01:50-ի սահմաններում Երևանի բնակիչ  Հայկ Մելքումյանը իր վարած Nissan Tiida մակնիշի ավտոմեքենայով Գայի պողոտայից դեպի Աճառյան փողոց տանող հետիոտնային անցման մոտ բախվել է մայթեզրի բազալտե եզրաքարերին և կողաշրջվել:

Ըստ նախնական տեղեկությունների՝ վթարի հետևանքով բարեբախտաբար, տուժածներ չկան:

Շտապօգնության  բժիշկների հերթապահ խումբը տեղում առաջին բուժօգնությունն է ցուցաբերել վարորդին, սակայն վերջինը հրաժարվել  է հիվանդանոց մեկնելուց՝ հայտնելով, որ իրեն լավ է զգում:

Վարորդը տեղում ենթարկվել է սթափության փորձաքննության, եղել է սթափ: