Փլուզվել է Նարեկացի թաղամասի թիվ 33 շենքի նկուղային հարկի պատը․ 50-ամյա տուժածին դուրս են բերել արգելափակումից

Օգոստոսի 31-ին, ժամը 12։35-ին Ճգնաժամային կառավարման ազգային կենտրոն ահազանգ է ստացվել, որ փլուզվել է Երևանի Ավան վարչական շրջանի Նարեկացի թաղամասի թիվ 33 շենքի նկուղային հարկի պատը․ կա տուժած։

ԱԻՆ-ից հայտնում են, որ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ և փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը։

Մինչ փրկարարների կանչի վայր հասնելը, Հ. Բ․-ն (ծնված 1971 թ․) տեղի ուժերով դուրս է բերել արգելափակումից։

Փրկարարները տուժածին մոտեցրել են շտապօգնության ավտոմեքենային։