Գյումրիում տղամարդը սպառնացել է պայթեցնել բուքմեյքերական գրասենյակը (տեսանյութ)
ՏեսանյութերՕգոստոսի 28-ին, ժամը 19.30-ին, ոստիկանությունում ստացվել է ահազանգ: Գյումրիի մի բուքմեյքերական գրասենյակի աշխատակիցը հայտնում էր, որ գրասենյակ է զանգել 48-ամյա մի տղամարդ և ասել, թե ցանկանում է գումար կանխիկացնել իր հաշվից, ինչը մերժվել է, տղամարդն էլ սպառնացել է պայթեցնել գրասենյակը:
Շտապ դեպքի վայր են մեկնել ոստիկանության Կումայրիի և Մուշի բաժինների ծառայողներն ու Շիրակացու փողոցում հայտնաբերել տղամարդուն: Տեսնելով ոստիկաններին` նա հայտնել է, որ բուքմեյքերական ընկերության հետ գումարային խնդիր ունի և ցանկանում է պայթեցնել գրասենյակը: Այնուհետև նա գրպանից հանել է նռնակի նմանվող առարկա և սպառնացել, որ եթե ոստիկանները մոտենան` իրեն կպայթեցնի: Ոստիկանների հմուտ գործողությունների արդյունքում նա, այնուամենայնիվ, բերման է ենթարկվել Մուշի բաժին:
Անձնական խուզարկությամբ նրա գրպանից հայտնաբերվել և վերցվել է նռնակի նմանվող երկու առարկա:
Տղամարդը հայտնել է, որ դրանք նռնակ են, որոնք 1990 թվականին իրեն տվել է հանգուցյալ ֆիդայի ընկերը, որի անունը չի հիշում:
Հարուցվել է քրեական գործ, տղամարդը ձերբակալվել է:
Նշանակվել է դատապայթյունատեխնիկական փորձաքննություն, հանգամանքները պարզվում են:
ՈՒՂԻՂ ԵԹԵՐ
Ամենադիտված 
Ավտոմեքենայում հայտնաբերվել է առողջապահության նախկին նախարար, վիրաբույժ Գագիկ Ստամբուլցյանի մարմինը
