Ադրբեջանում անհետ կորածների իգական սեռի բարեկամներից սեքսուալ բնույթի գործողություններ կատարել պահանջողին՝ 12 տարի

Aravot.am-ը գրում է․

Սյունիքի մարզի ընդհանուր իրավասության դատարանի նախագահ Նապոլեոն Օհանյանը սեպտեմբերի 2-ին հրապարակեց գորիսեցի 41-ամյա Ալիկ Հայրապետյանի դատավճիռը՝ 12 տարի ժամկետով ազատազրկում։ Ալիկ Հայրապետյանին մեղավոր ճանաչվեց ՀՀ քրեական օրենսգրքի 132 հոդվածի 2-րդ մասի 4-րդ կետի (մարդու թրաֆիքինգը կամ շահագործումը, որը կատարվել է երկու կամ ավելի անձանց նկատմամբ, կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով) եւ 132.2 հոդվածի 2-րդ մասի 4-րդ կետի (երեխայի կամ հոգեկան խանգարման հետեւանքով իր արարքի բնույթն ու նշանակությունը գիտակցելու կամ դա ղեկավարելու հնարավորությունից զրկված անձի թրաֆիքինգը կամ շահագործումը՝ բռնություն գործադրելով կամ դա գործադրելու սպառնալիքով) հատկանիշներով։ Մեղադրողը դատարանին միջնորդել էր ամբաստանյալին դատապարտել 20 տարվա ազատազրկման։ Դատարանը մեղմացուցիչ հանգամանք համարեց այն փաստը, որ նա ունի 4 անչափահաս երեխա։

Հիշեցնենք, որ Ալիկ Հայրապետյանը այս տարվա հունվար եւ փետրվար ամիսներին, համացանցային կայքերում կատարված որոնումների արդյունքում հայտնաբերել է Արցախյան վերջին պատերազմում իրենց անհետ կորած զինծառայող հարազատներին որոնելու կամ նրանց գտնվելու վայրի մասին տեղեկություններ ստանալու վերաբերյալ հրապարակումներ կատարած օգտատերերին եւ մասնավորապես առանձնացրել իգական սեռի ներկայացուցիչներին։

Նյութն ամբողջությամբ՝ սկզբնաղբյուր կայքում։