Կադիրովը հայտարարել է, որ կամավորների մի ամբողջ գումարտակ է ժամանել Ուկրաինա (տեսանյութ)
ՏեսանյութերԿամավորների մի ողջ գումարտակ է ժամանել Ուկրաինա՝ մասնակցելու ռուսական հատուկ գործողությանը։ Այս մասին շաբաթ օրը՝ մարտի 19-ին, հայտնել է Չեչնիայի ղեկավար Ռամզան Կադիրովը Telegram-ի իր ալիքում։
Նա գրել է, որ չեչեն մարտիկները հատուկ գործողության առաջին իսկ օրերից Ուկրաինայում կռվում են «ազգայնական գումարտակների զինյալների դեմ»։ «Հազարավոր կամավորներ շտապում են օգնելու Չեչնիայի Հանրապետությունից իրենց եղբայրներին։ Նրանցից յուրաքանչյուրն իր կյանքի գնով պատրաստ է պաշտպանել Բանդերայի կողմից ճնշված բնակիչներին»,- հավելել է քաղաքական գործիչը։
Նրա խոսքով՝ նոր ժամանածներին Ուկրաինայում դիմավորել է Պետդումայի պատգամավոր Ադամ Դելիխանովը, ով հիշեցրել է ռուսական կողմի առաքելությունը՝ «վերջ դնել Կիևի ռեժիմի բռնակալությանը, հիմնովին ոչնչացնել ազգայնականությունը և ազատել եղբայրական ուկրաինացի ժողովրդին երկար տարիների ազատազրկումից»:
Եզրափակելով՝ Կադիրովն ասել է, որ հիացած է ռուսների հերոսությամբ և քաջությամբ, հանուն հայրենիքի` «եղբայրների հետ կողք կողքի կռվելու նրանց աննկուն ցանկությամբ»։
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
