«Նախագիծը տարածվելու է ոչ թե թշնամու զառանցանքի, այլ ՀՀ քաղաքացու վրա». Վահագն Հովակիմյան
Տեսանյութեր«Պաշտպանված է ՀՀ տարածքային ամբողջականության դեմ կոչերից։ Այն խնդիրը, որը հեղինակի կողմից հնչեցվում է, մեր քրեական օրենսդրությամբ լուծված է։ Փոխարենն այս նախագծով առաջարկվող մոտեցումը հստակ խնդիրներ է հարուցում։ Իրավական որոշակիության տեսանկյունից այդ նախագիծը որևէ քննության չի կարող դիմանալ». Այս մասին այսօր՝ մարտի 22-ին, Ազգային ժողովում ասաց ՔՊ-ական պատգամավոր Վահագն Հովակիմյանը նշելով, որ նախագիծը քննարկվել է պետաիրավական հանձնաժողովում, որտեղ տրվել է բացասական եզրակացություն։
Հովակիմյանի խոսքերով, երբ ընդունվում է օրենք ու հստակ չի ամրագրվում, որ դրա կիրառումը տարածվում է այլ երկրների ներկայացուցիչների նկատմամբ, այդ անորոշությունը տարածվելու է ՀՀ ցանկացած քաղաքացու վրա․ «ՀՀ ցանկացած քաղաքացի պետք է հստակ իմանա, թե ինչպիսի իրավաչափ պետք է դրսևորի, որպեսզի ՔՕ-ի հոդվածներով նախատեսված պատժելի արարք կատարողի դերում չհայտնվի։
Այս օրենքի տեսանկյունից թշնամի երկրի զառանցանքների ցանկացած արտատպում կարող է համարվել քարոզչություն։ Այսինքն, եթե մեր լրատվամիջոցները ցանկանան իրենց ընթերցողներին տեղեկացնել թշնամի երկրից զառանցանքներին, հայտնվելու է քրեորեն պատժելի արարք կատարողի դերում, որովհետև ստացվելու է, որ տարածում են այդ զառանցանքը։ Այս անորոշությունները կարող եմ շատ երկար շարունակել»։
Նա ընդդիմադիր պատգամավորներին հորդորեց բերել նախագծեր, որոնք կնպաստեն երկրի զարգացմանը, անվտանգության ուժեղացմանը:
ՈՒՂԻՂ ԵԹԵՐ
Ամենադիտված 
Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը
