Բոլթոնին ապշեցրել է իր գլխի համար նշանակված ցածր գինը

Սպիտակ տան ազգային անվտանգության նախկին խորհրդական Ջոն Բոլթոնը CNN-ին ասել է, որ ապշած է ցածր գնից, որը ենթադրաբար նշանակվել է Իրանի քաղաքացու կողմից իր սպանության համար:

Հաղորդավար Վոլֆ Բլիցերի հետ զրույցի ժամանակ նա հեգնել է, որ իր սպանության համար առաջարկվել է փոքր պարգև:

Բոլթոնի խոսքով՝ ինքը վաղուց է հասկացել, թե ինչ է իրենից ներկայացնում Իրանի կողմից սպառնալիքը և ուսումնասիրել է իր դեմ դավադրության մանրամասները ԱՄՆ արդարադատության նախարարության փաստաթղթերից։

Բոլթոնը նախկինում հանդես է եկել Իրանում ռեժիմի փոփոխության օգտին և աջակցել ԱՄՆ նախկին նախագահ Դոնալդ Թրամփի՝ երկրի հետ միջուկային միջուկային համաձայնագրից դուրս գալու որոշմանը: ԱՄՆ-ն դրանից դուրս է եկել 2018թ.-ին:

Բոլթոնը հորդորել է ԱՄՆ ներկայիս նախագահ Ջո Բայդենին դադարեցնել գործարքին վերադառնալու ջանքերը։

Ավելի վաղ հաղորդվել էր, որ Իրանի 45-ամյա քաղաքացի Շահրամ Փուրսաֆին, ով Իսլամական հեղափոխության պահապանների կորպուսի անդամներից է, հեռակա դատապարտվել է Բոլթոնի սպանությունը կազմակերպելու փորձի համար։ Նա դա փորձել է կատարել 2021 թվականի հոկտեմբերից։ Փուրսաֆին Բոլթոնի համար առաջարկել է 250 հազար դոլար, որը հետագայում հասել է300 հազար դոլարի: Միաժամանակ 1 մլն դոլար պարգեւավճար է նշանակվել Պետդեպարտամենտի նախկին ղեկավար Պոմպեոյի սպանության համար։