Բնապահպանները ընտանի հավերի ձվերում վտանգավոր նյութ են հայտնաբերել

Սիդնեյի Մաքուորի համալսարանի գիտնականները ցույց են տվել, որ տնային հավի ձվերը միջինում 40 անգամ ավելի շատ կապար են պարունակում, քան խանութից գնված ձվերը: Աշխատանքը հրապարակվել է Environmental Pollution ամսագրում։

Գիտնականները գրեթե յուրաքանչյուր ուսումնասիրված հավի արյան մեջ կապար են հայտնաբերել: Բացի այդ, վերլուծված ձվերի մոտ կեսը պարունակում էր կապարի մակարդակ, որը կարող է սպառողների առողջության համար վտանգ ներկայացնել՝ միջինում 40 անգամ ավելի բարձր, քան սուպերմարկետների ձվերում:

Առողջապահության համաշխարհային կազմակերպությունը հայտարարել է, որ չկա կապարի ազդեցության անվտանգ մակարդակ, և նույնիսկ ցածր կոնցենտրացիաները համարվում են վնասակար մարդու առողջության համար: Կապարը մեծացնում է սիրտ-անոթային և երիկամների հիվանդությունների, ինչպես նաև ճանաչողական խանգարումների վտանգը։

Վարակման հնարավոր աղբյուրը հողն է: Գիտնականները Սիդնեյի 7000 տեղամասերում ստուգել են կապարի մակարդակը այգու հողում: Նրանք նաև ուսումնասիրել են աղտոտման այլ հնարավոր աղբյուրները՝ խմելու ջուրը և կերը: Պարզվել է, որ կապարի հիմնական աղբյուրը հողն է։ Հեղինակները տվյալներն օգտագործել են կապարով աղտոտվածության քարտեզ ստեղծելու համար, որը թույլ կտա ֆերմերներին հասկանալ, թե արդյոք նրանք վտանգի տակ են:

Բնապահպանները ենթադրում են, որ կապարը հողում կուտակվել է ուրբանիզացիայի տարիների ընթացքում, և այժմ մեր օրգանիզմ է մտնում բանջարեղենի, մեղուների և հավերի միջոցով: Այս աշխատանքում ընդգծվում է, որ պետք է զգույշ լինել գյուղմթերքի հետ:

Այս թեմայով Կարտոֆիլ, ձու, լոլիկ՝ ՀՀ-ում Բելառուսի դեսպանության շենքին Արցախցի կինը գիշերը հերթ է կանգնել, որ ձու գնի, իսկ գիշերն այստեղ հրավառություն էր. Սոֆյա Հովսեփյան Սոցցանցերի օգտատերերին զարմացրել է սուպերմարկետից գնված «կատարյալ կլոր ձուն» (լուսանկար) Վարչապետի համար ծուղակ է՞ին ստեղծում, ձու է՞ին նետում դրոշի վրա, բարոյական չէ. Զարեհ Սինանյան Սխալ եք արել՝ տնական ձու չեք դրել… ո՞նց, ժենշեն ստեղ աճու՞մ ա. Փաշինյանը՝ Ներքին Բազմաբերդում