Սգի օրը նույնիսկ սրանց չի խանգարում սկսել քարոզարշավ. Վահան Բաբայանը՝ Տիգրան Ավինյանի հայտարարության մասին

«Նման վայրում, նման օրով խոսել թեկնածու լինել չլինելուց. մեղմ ասած խայտառակություն է»,- այս մասին իր ֆեյսբուքյան էջում գրել է Ռեֆորմիստների կուսակցության հիմնադիր նախագահ Վահան Բաբայանը՝ արձագանքելով նախկին փոխվարչապետ Տիգրան Ավինյանի՝ «Սուրմալու» առեւտրի կենտրոնի փլուզված տարածքում հնչեցրած հայտարարությանն առ այն, որ այնտեղ է գնացել որպես ՔՊ-ի՝ քաղաքապետի թեկնածու։

«Սգի օրը նույնիսկ սրանց չի խանգարում սկսել քարոզարշավ:

Էդ որ՞ ընտրություններում է Ավինյանը թեկնածու,կա՞ նշանակված ընտրություն որի մասին երևանցիները դեռ չգիտեն փաստորեն,թե մեկ տարի հետո սպասվող ընտրություններից է խոսում:

Ամեն դեպքում նման վայրում,նման օրով խոսել թեկնածու լինել չլինելուց մեղմ ասած խայտառակություն է»,- Ֆեյսբուքում նշել է Վահան Բաբայանը: