Թուրքիան Սիրիայի հողերի վրա «աչք չունի». վստահեցրել է Էրդողանը

«Սիրիայի հողերի նկատմամբ պահանջներ չունենք: Սիրիացիները մեր եղբայրներն են: Նրանց տարածքային ամբողջականությունը կարևոր է մեզ համար, և վարչակազմը պետք է իմանա այդ մասին»:

Այս մասին Ուկրաինայից վերադարձի ճանապարհին լրագրողներին ասել է Թուրքիայի նախագահ Ռեջեփ Թայիփ Էրդողանը:

Նրա խոսքով, Սիրիայում տեղի ունեցող ահաբեկչությունը, առաջին հերթին, գեներացնում է ԱՄՆ-ն ու կոալիցիոն ուժերը, ընդ որում, ըստ Էրդողանի, դա արել և անում են բացահայտ կերպով:

Հայտնի է, որ օրերս Էրդողանը հայտարարել էր Թուրքիայի հետ սահմանակից սիրիական տարածքներում հատուկ ռազմական գործողություն սկսելու մասին, որի նպատակը ահաբեկչական խմբավորումներին վերացնելն է: